聖誕假hae行

今年連續四日聖誕假期，一半用左黎去郊外hae行。二十四日由港大行到去香港仔，途經龍虎山郊野公園、港島徑第二段同貝璐路，全程要四個幾鐘。冬天就冇乜蟲影，但都畀我喺廢堡度見到棵開得好靚嘅鴨腳木，吸引左好多蜂同蠅，行近啲仲可以聞到一大陣密糖味；之後上到山頂，仲見到隻白秋盾椿。

全程雖然好hae，但去到田灣落貝璐路有啲驚，因為條路窄，又開闊，望到下面啲樓有比較覺得好似好高咁。行完段路，先發現有塊牌寫住段路難行，要有經驗先至好行。本魚魚署出嘅樂行手記明明話係三個人仔，好易行噃。

二十六日就去左大埔滘行啡路。行左兩個幾鐘（唔計大埔公路行上黎同番出去），真係冇野好睇，不過就好舒服。行番出去搭車時，畀我見到隻好似蝙蝠咁大嘅蛾喺自然教育徑嘅牌上面。